Friday, October 7, 2016

ಸಮಯ


ರೆಯುವಷ್ಟೇ ಸಾಲುಗಳಲ್ಲಿ ಅವಿತಿದ್ದರೆ
ಅದೇನೋ ಬೇರೆ
ಹಾಳೆಗಳ ಹೊರಗೂ ಹೋಗಿ ಹರಟುವೆಯಲ್ಲ
ಬಿಡಲಿ ಹೇಗೆ?

ಅಲೆಯ ರಭಸಕ್ಕೆ ಎದುರಾಗಿ
ನಾನಾಗಿಯೇ ತಲೆಕೊಟ್ಟರೂ
ಕವನ ಬರೆಯುವ ಕಲೆ ಮರೆಯಿತೇ ಹೊರತು
ನಿನ್ನ ನೆನಪಲ್ಲ
ಸಮುದ್ರವಾಗಿಬಿಡು ನೀ
ನಾ ನದಿ ನೀರಾಗುವೆ

ಬಾರಿ ಬಾರಿ ಭಾರೀ ಭಾರ
ದಾಹ ತೀರದಷ್ಟು ದೂರ ತೀರ
ಆಚೆಗಿರಲಿ ಕೊನೆಗೆಂದೋ ಸಿಗುವ ಫಲ
ಪ್ರಯತ್ನಿಸಲೂ ಕೊಡದೇ ಕಾಡುವೆಯಲ್ಲ
ಕಾಯಲಿ ಹೇಗೆ?

ನೆನಪಿಡು
ನಾನೂ ನಿಂತಿರುವೆ
ನಿನ್ನಂತೆಯೇ
ರಂಗಸ್ಥಳದ ಮೇಲೆ
ಬಣ್ಣ ಬಳಿದುಕೊಂಡು
ಕಣ್ಣರಳಿಸಿಕೊಂಡು
ನಗೆತೊಟ್ಟುಕೊಂಡು
ಒಳಗೊಳಗೇ ಕನವರಿಸಿಕೊಂಡು
ಪ್ರತಿದಿನ ಪ್ರತಿಕ್ಷಣ

ಸಮಯ
ಸಮುದ್ರವಾಗಿಬಿಡು ನೀ
ನಾ ನದಿ ನೀರಾಗುವೆ
  
--07-Oct-2016

No comments:

Post a Comment