ಅನ್ನಕದ್ದ ಮುದುಕಿ….
ಸಾಯಲು ಬಿದ್ದ ಮುದುಕಿ
ಹಸುಗೂಸಿಗಿಟ್ಟಿದ್ದ ಅನ್ನ
ಕದ್ದಿದ್ದು
ಅಕ್ಕಿ ಮೇಲಿನ ಆಸೆಗಲ್ಲ
ಕೂಸೇನೂ ಆಕೆಗೆ ವೈರಿಯಲ್ಲ
ಆಕೆ ತಿಂದಿದ್ದು ಹಸಿದ
ಹೊಟ್ಟೆಗಾಗಿ
ಕುಂಟುತ್ತ ನಡೆವ ಕಾಲಿಗಾಗಿ
ಬೇಡಲೊಲ್ಲದ ಎರಡು ಕೈಗಾಗಿ
ಬಗ್ಗಲಿಚ್ಛಿಸದ ಬೆಂಡು ಬೆನ್ನಿಗಾಗಿ
ಮುದುಕಿಯ ಒಂದು ದಿನ
ಕೂಸಿಗೂ ಒಂದೇ ದಿನ
ಕೂಸಿಗೆ ನಿನ್ನೆ ಬಿದ್ದ
ಕನಸು
ಮುದುಕಿಯ ಕಳೆದ ಕಾಲದ
ನೆನಪು
ಕೂಸು ಕಾಣಲಿದ್ದ ಈ
ಜಗತ್ತು
ಮುದುಕಿ ಕಂಡಿದ್ದಕ್ಕಿಂತ ಬೇರಲ್ಲ
ಇದ್ದರಿರಬಹುದು ವ್ಯತ್ಯಾಸ
ನಗು ತುಂಬಿದ ಮುದ್ದು
ಮುಖ
ನೆರಿಗೆ ಕಾಂಬ ಹಳೆಯ
ಮುಖ
ನಾಳೆಗಿದೆ ಊರತೀರ್ಪು
ಅನ್ನಕದ್ದ ಮುದುಕಿಗೇನು ಶಿಕ್ಷೆ
ನೀವೇ ಹೇಳಿ, ಆಕೆಗೇನು
ಶಿಕ್ಷೆ?
ಬದುಕಲಿಚ್ಛಿಸುವಿಕೆಗೆ ಯಾವ
ಹಂಗಿಲ್ಲ
ಬೇಲಿ ಹಾಕಿ ಯಾರೂ
ಬಂಧಿಸಿಲ್ಲ
ಹಸಿವ ಬದುಕ ಬೆವರ -- 08-05-2013