ಅರ್ಥಕಾಣದ ಘಳಿಗೆ!
ಜೋಪಡಿಯೊಳಗಿನ
ಅರ್ಧಬೆಂದ ಅನ್ನ-
ತುಂಬಿದ ಕಡಾಯಿ
ತುಂಬಿದ ಕಡಾಯಿ
ತುಸುದೂರ ಮಲಗಿದ್ದ
ಬರಿಮೈಯ ದೇಹ-
ವೆರಗಿ ಬಂದಂತಿತ್ತು
ವೆರಗಿ ಬಂದಂತಿತ್ತು
ಜೋಪಡಿಯಾಕೆಯ ಕಣ್ಮುಂದೆ
ಅನ್ನದೇಹವೆರಡೂ
ಬೇಯುವ ಕತ್ತಲ ಘಳಿಗೆ
ಬೇಯುವ ಕತ್ತಲ ಘಳಿಗೆ
ಉರಿದುರಿದು ಸುಸ್ತಾದ
ಕೆಂಡದಕಿಡಿ ಬೆಳಕು
ಬೆಂದ ಅನ್ನದ ಘಾಟು
ಮೈಯ ಬೆವರಿನ ಸೊಗಡು
ಸೆರಗ ಸವರುವ ಮೊದಲು
ಬರಿ ಬೂದಿಯ ಗೌಳು
ಊದಿ ಊದಿ ನಂದಿಸಲು
ಜೋಪಡಿಹೊರಗೆ
ಗಾಳಿ ತಂಪನೆ ಬೀಸು
ಒಳಗೆಳೆದುಹೋದಂತೆ
ಅರ್ಧ ಉಸಿರಿನ ಮೌನ
ರಾಗ ಸಂಯೋಜನೆಯಲ್ಲ
ತಟ್ಟೆಗನ್ನ ಬೀಳುವ ಶಬ್ಧ
ನಗೆಮರೆತ ಚಿತ್ತಾರ
ತನ್ನೊಳಗೆ ತಾಬೆರೆತು
ಕೈತುತ್ತು ಕೊಡುತಿರಲು
ಮುಳುಗಿದ್ದ ಸೂರ್ಯ
ಚಂದ್ರ ಮೇಲೇಳಲೇ ಇಲ್ಲ
ಹಸಿದ ಕತ್ತಲೆ ತಾನು
ತನ್ನನ್ನೇ ಮರೆತಿರಲು
ಅನ್ನ ತಣಿದಿತ್ತು
ಬಿಸಿಯುಸಿರು ಬಡಿದಿರಲು
ಅರ್ಧ ಬಾಗಿಲ ತೆರೆದು
ಗಾಳಿ ತಾ ನಿಂತಿತ್ತು
-- 05-06-2013