ನಾನೆಂಬ ಪ್ರಯತ್ನದ ಮುಂದೆ
ಕಡಲು ನೀನು
ಸುಮ್ಮನೆ ತೆರೆಮರೆಯ ನಾಟಕ
ಹೊರಗಷ್ಟೇ ತೋರಿಕೆಯಾರ್ಭಟ
ಒಳಗೆಲ್ಲ ಭಯಂಕರ ಮೌನ
ಮರೆವೆಂಬ ಹೆಸರಿನ ನೆನಪು
ನೀನು
ಹೇಳು
ಕೊನೆಯಬಾರಿ ನಾನೇನಾದರೂ
ಯಾರಿಗಾದರೂ ಕೊಟ್ಟಿರುವುದಿದೆಯೇ?
ಕಣ್ಮುಂದೆ ಜಾರುತಿರುವುದೆಲ್ಲ
ಬರೀ ತೆಗೆದುಕೊಂಡವುಗಳೇ
ಹೇಳಿಬಿಡು ಲೆಕ್ಕಮಾಡಿ
ನೀ ಕೊಟ್ಟ ಘಳಿಗೆಗಳ
ಮರಳಿಸಲು ಏನಿಲ್ಲ
ಹೀಗಿರುವ ನಾನೇ ಎಲ್ಲ
ದೇಹಭಾಷೆ ಮನದ ಆಸೆ
ಭಿನ್ನವಾದ ಮಾತ್ರಕ್ಕೆ
ಕಡಲಸೇರ್ವ ನದಿಯು
ತಾನು ನಿಂತುಹೋದೀತೇ?
ಬರುವುದಿಲ್ಲ ನೋಡು
ಸಮಯಕ್ಕೆ ಹೆಜ್ಜೆ ಹಿಂದಿಡಲು
ನಾನು ನೀನೆಲ್ಲ ಇದರ
ಸಿಲುಕುಗಳೇ
ನಿನ್ನೆಯೆಂಬುದು ನಿಜಕ್ಕೂ ನಿರ್ಜೀವ
ಇಂದು ನಾನೇ ಇಲ್ಲ
ನಾಳೆ ಹುಟ್ಟಿಲ್ಲ
ನಡೆದೇಹೋಯಿತೆಂಬಬದಿಗೆ
ಸುಮ್ಮನಾಗದೇ
ಬರಿದೆ ಮಾತು ಕಳೆದುಹೋಗಿ
ಹೊರಟೇಹೋದೆ ನೀ
--
26-10-2015